Tesla-მ პირობა დადო, რომ საკუთარი მძღოლებისათვის, ავტომობილის ტარების დროს, ვიდეო თამაშებზე წვდომას შეზღუდავს. Report.ge-ს ცნობით, ამის შესახებ გამოცემა Bloomberg წერს.
ამასთან, აშშ-ს გზატკეცილის მოძრაობის უსაფრთხოების ეროვნულმა ადმინისტრაციამ (NHTSA) სატრანსპორტო საშუალებებისთვის უსაფრთხოების აქტი შეიმუშავა.
„სატრანსპორტო საშუალების უსაფრთხოების აქტი უკრძალავს მწარმოებლებს დეფექტების მქონე მანქანები გაყიდონ, რომლებიც უსაფრთხოების რისკებს შეიცავენ“, - ნათქვამია NHTSA-ს განცხადებაში.
მანამდე მარეგულირებელმა Tesla-ს წინააღმდეგ გამოძიება დაიწყო, ვინაიდან როგორც მათთვის ცნობილი გახდა ელექტრომობილების მწარმოებელი მძღოლებს თამაშების ელექტრომობილის ცენტრალურ კონსოლზე თამაშის ნებას რთავდა.