TikTok ახალ ფუნქციას, ე.წ. „repost-ს“ ტესტავს, რომელიც მომხმარებლებს საშუალებას მისცემს საკუთარ ანგარიშებზე სხვების ვიდეოები გააზიარონ. Report.ge-ს ცნობით, ინფორმაციას Techcrunch ავრცელებს.
ახალი "Repost" ღილაკი "გაზიარების" მენიუში განთავსდება, რომლითაც შეგიძლიათ მეგობრებს ვიდეოების გაგზავნა თავად TikTok-ში და სხვა სოციალურ ქსელებში შეტყობინებებით.
ამავდროულად, გადაზიარებული ვიდეო არ იქნება ნაჩვენები თქვენს საკუთარ TikTok პროფილზე - ღილაკი ვიდეოს მხოლოდ თქვენი მეგობრების For You არხებზე გაუგზავნის.
სხვა სიტყვებით რომ ვთქვათ, ეს არის ვიდეოს პოპულარობის გაზრდის საშუალება. ახალი ფუნქცია მომხმარებლებს შესთავაზებს TikTok-ის ვიდეოებთან ურთიერთობისა და ხელახალი გაზიარების მოხერხებულ გზას, ეს ასევე უფრო პასიური მომხმარებლებსაც წაახალისებს.
