მეცნიერებმა დიდ ადრონულ კოლაიდერში ნეიტრინოები პირველად აღმოაჩინეს. ამის შესახებ სამეცნიერო გამოცემა Physical Review D წერს.
ელექტრულად ნეიტრალური ნეიტრინოს ნაწილაკები წარმოიქმნება ენერგიის სხვადასხვა წყაროებით, კერძოდ მზის ან კოსმოსური სხივებით.
მკვლევრები იმედოვნებენ, რომ კოლაიდერში სამივე ტიპის ნეიტრინოს (ელექტრონს, მუონს და ტაუ ნეიტრინოებს) და მათი ანტინაწილაკების ურთიერთქმედებას დაინახავენ.
ასევე მოსალოდნელია, რომ უშუალოდ კოლაიდერზე წარმოქმნილი ნეიტრინოების აღმოჩენა ხელს შეუწყობს მათი ურთიერთქმედების შესწავლას სხვა ნაწილაკებთან ენერგეტიკულ დიაპაზონში.
ნეიტრინო სტაბილური ნეიტრალური ლეპტონია (ლეპტონები – ფუნდამენტური ნაწილაკები, რომლებიც არ მონაწილეობენ ძლიერ ურთიერთქმედებაში).
