უელსის სანაპიროზე, პენარტში დინოზავრის ნაკვალევი აღმოაჩინეს. Report.ge-ს ცნობით, ამის შესახებ Geological Magazine წერს.
მკვლევარებმა დაადგინეს, რომ ნაკვალევი დინოზავრის ერთ-ერთ უძველეს სახეობას ეკუთვნის.
ანაბეჭდები მოყვარულმა პალეონტოლოგმა აღმოაჩინა. მან სანაპიროზე გადაღებული ფოტო მუზეუმს აჩვენა და მეცნიერებმა უძველესი ნაკვალევის შესწავლა დაიწყეს.
ექსპერტებმა განაცხადეს, რომ ბილიკი საუროპოდის წინაპრებმა დატოვეს - დიდი ბალახისმჭამელი დინოზავრი გრძელი კისრით. ამ ჯგუფის უძველესი ცხოველები ცხოვრობდნენ დედამიწის ყველა კონტინენტზე, მათ შორის ანტარქტიდაზე.
აღმოჩენამ მეცნიერებს საშუალება მისცა მეტი გაეგოთ იმ დროისა და დინოზავრების ცხოვრების შესახებ.