უიტნი ჰიუსტონის მეგობარი ქალი, რობინ კროუფორდი ადასტურებს, რომ მას მომღერალთან რომანი ჰქონდა.ამის შესახებ Metro წერს. რობინ კროუფორდის ინფორმაციით მას უიტნი ჰიუსტონთან მეგობრობა აკავშირებდა, რომელიც სასიყვარულო ურთიერთობაში გადაიზარდა. მოგვიანებით კი მას მომღერალმა სთხოვა რომანი შეეწყვიტათ. კროუფორდის თქმით უიტნი ჰიუსტონი ნერვიულობდა რომ მათი ურთიერთობის შესახებ საზოგადოება შეიტყობდა.
შეგახსენებთ, რომ უცხოურ მედიაში პერიოდულად ვრცელდებოდა ინფორმაცია ჰიუსტონის ორიენტაციის შესახებ.
უიტნი ჰიუსტონი 2012 წლის თებერვალში ლოს-ანჯელესში, 49 წლის ასაკში გარდაიცვალა. ის სასტუმროს ნომერში აბაზანაში იპოვეს. ექსპერტიზამ დაადგინა, რომ გარდაცვალების მიზეზი კოკაინის მოხმარება და გულის შეტევა გახდა.
