თბილისის ინფექციური საავადმყოფოს სამედიცინო დირექტორი მარინა ეზუგბაია აცხადებს, რომ ბათუმიდან გადმოყვანილი 10 წლის ბავშვის მშობელს კორონავირუსისთვის დამხასიათებელი კლინიკური სიმპტომები აღენიშნება. შესაბამისად, ექიმი ვარაუდობს, რომ მას კორონავირუსი დაუდასტურდება.
„გუშინ შემოვიდა ოთხი ახალი შემთხვევა, მათ შორის ერთი იცით, ბათუმიდან მოდიოდა, მოზარდი თავის მშობელთან ერთად. ბავშვს დადგენილი აქვს კორონავირუსი, მშობელს დადასტურებული არ აქვს, მაგრამ უკვე მასაც კლინიკა აქვს და ასევე დაუდასტურდება“ ,- აღნიშნა ეზუგბაიამ.
კორონავირუსით ინფიცირებული 10 წლის ბავშვი თბილისის ინფექციურ საავადმყოფოში ბათუმიდან გუშინ გადაიყვანეს.
