2 დაკარგული ახალგაზრდის კვალი დედაენის ბაღის გავლით იუსტიციის სახლთან იკარგება.
გიორგი შალამბერიძეს და ბაია ბერუაშვილს უკვე მეორე დღეა ეძებენ.
ისინი ბარ Bauhaus-ის თანამშრომლები არიან.
პოლიციამ სათვალთვალო კამერების ჩანაწერები ამოიღო.
ახალგაზრდების გაუჩინარების საქმეზე შსს-მ გამოძიება 143-ე მუხლით დაიწყო, რაც თავისუფლების უკანონო აღკვეთას გულისხმობს.
უწყების ინფორმაციით, 2 ახალგაზრდას გაუჩინარების შესახებ პოლიციაში შეტყობინება 15 აგვისტოს შევიდა.
მათივე ცნობით, პოლიციის მხრიდან მოხდა მყისიერი რეაგირება და ახალგაზრდების ადგილსამყოფელის დადგენის მიზნით, ინტენსიურ რეჟიმში დაიწყო შესაბამისი საძიებო ღონისძიებები.
შეგახსენებთ, რომ თბილისში ორ ახლგაზრდას ეძებენ.
