"გამოდი სოლიდარობისთვის", - 5 ივლისს თბილისი პრაიდის ორგანიზებით დედაქალაქში "ღირსების მარში" გაიმართება.
რუსთაველის გამზირზე ქვიარ თემის წარმომადგენლები, მათი მხარდამჭერები და სამოქალაქო აქტივისტები შეიკრიბებიან.
"ჩვენ, ქვიარ ადამიანებს გვჭირდება, ხმამაღლა ვისაუბროთ ჩვენს პრობლემებზე; გვჭირდება, რომ ჩვენი ოჯახის წევრებს, მეგობრებს, კოლეგებს, თანამოქალაქეებს და სახელმწიფოს გავაგონოთ ჩვენი ხმა.
ჩვენ სახელმწიფოსგან მოვითხოვთ: აწარმოოს ადამიანზე ორიენტირებული პოლიტიკა;
შეასრულოს პოზიტიური ვალდებულება თანასწორი გარემოს შესაქმნელად, ჰომოფობიის, სტიგმისა და დისკრიმინაციის დასაძლევად;
გამოიძიოს სიძულვილით მოტივირებული დანაშაული და დაიცვას სამართლიანობის პრინციპი;
დაიცვას თითოეული მოქალაქის უსაფრთხოება და გამოხატვის თავისუფლება, მიუხედავად სექსუალური ორიენტაციისა და გენდერის იდენტობისა", - აცხადებენ "თბილისი პრაიდის" წარმომადგენლები.
