მეუფე ნიკოლოზმა გორის სამხედრო ჰოსპიტალში საქართველოს მესამე პრეზიდენტი მიხეილ სააკაშვილი მოინახულა.
მისი თქმით, ორი საათის განმავლობაში სააკაშვილს უკითხავდა ლოცვებს და 7 ჯერ აცხო ზეთი.
"დღეს გორში ჩამოვედი წინასწარი შეთანხმების საფუძველზე. მისი თხოვნა იყო, რომ მე მას შევუსრულე საიდუმლოება. ახალი აღქმის 7 საიდუმლოება არსებობს და მე-6, რომელიც მას არ ჰქონდა მიღებული, ეს არის ზეთის კურთხევის საიდუმლო. რომლის დროსაც ფიზიკური განკურნებაც ხდება და ამბობენ, რომ დავიწყებული ცოდვებიც მიეტევება. მომეჩვენა ძალიან დასუსტებული იმასთან შედარებით რაც პირველად ვნახე ჯერ, მერე მეორეჯერ ვაზიარე ციხეში, მიუხედავად იმისა, რომ თითქმის 40 დღე იყო შიმშილობის გასული, მაშინ უფრო მომეჩვენა ფიზიკურად უკეთესად", - განაცხადა მეუფე ნიკოლოზმა.
