საქართველოში კორონავირუსით ინფიცირების შემთხვევათა რაოდენობა 2-ით გაიზარდა და 948 გახდა. ინფორმაცია ამის შესახებ მთავრობის მიერ შექმნილ სპეციალურ ვებ-გვერდზე stopcov.ge-ზე განახლდა.
ერთი ინფიცირებული 27 წლის მამაკაცია, რომელსაც ყაზახეთში მოგზაურობის ისტორია აქვს. მეორე პირი კი ქალია, რომელიც აჭარაში ერთ-ერთი კლინიკის სანიტარია.
ორივე ინფიცირებული ბათუმის რესპუბლიკურ საავადმყოფოში არიან მოთავსებულნი.
საერთო ჯამში, საქართველოში კორონავირუსით ინფიცირების შემთხვევათა რაოდენობა და 948-მდე გაიზარდა. გამოჯანმრთელებულთა რაოდენობა კი 825-ს აღწევს. ქვეყანაში კორონავირუსით 15 ადამიანი გარდაიცვალა. ამასთან, უცხოეთიდან სამკურნალოდ გადმოყვანილია საქართველოს 3 მოქალაქე.
