აჭარაში მცხოვრებ ვეტერანებს უფასო კონსულტაცია და კვლევები ჩაუტარეს. ომისა და თავდაცვის ძალების 160-ზე მეტმა ვეტერანმა მომსახურება ბათუმის, ქობულეთის, ხელვაჩაურის, ქედის, შუახევისა და ხულოს მუნიციპალიტეტებში მიიღეს. უფასო გამოკვლევებით ისარგებლეს აფხაზეთიდან იძულებით გადაადგილებულმა ვეტერანებმა და მათი ოჯახის წევრებმაც.
ვეტერანების საქმეთა სახელმწიფო სამსახურმა კლინიკა "ვივამედთან" თანამშრომლობის მემორანდუმიც გააფორმა. მის ფარგლებში ვეტერანებისა და მათი ოჯახის წევრებისათვის საქველმოქმედო სამედიცინო აქციები მომავალშიც ჩატარდება.
