აჭარის მთავრობის პრესსამსახურის ცნობით, ბათუმში, ე.წ. ,,მუყაოს ქალაქის" მშენებლობაზე ტენდერი გამოცხადდა და მშენებლობა მალე დაიწყება.
ეს გადაწყვეტილება აჭარის მთავრობამ რამდენიმე თვის წინ მიიღო მოსახლეობის ინტერესების, ეკოლოგიისა და უსაფრთხოების პრინციპებიდან გამომდინარე. ე.წ. მუყაოს ქალაქში საცხოვრებელი კომპლექსი1000-მდე ბავშვი და მათი ოჯახები სიცოცხლისთვის ღირსეულ პირობებს შესთავაზებს. საჭირო ტანხა 2020 წლის ბიუჯეტში უკვე გათვალისწინებულია.
"ცხადდება ტენდერი მშენებლობაზე და მალე გადავალთ მშენებლობის ეტაპზე. პროექტის პირველი ეტაპი ითვალისწინებს 580 ოჯახის ბინით უზრუნველყოფას" - აღნიშნა აჭარის მთავრობის თავმჯდომარემ.
სამთავრობო კომისიამ თითოეული ოჯახის მდგომარეობა დეტალურად შეისწავლა. მუშავდება მონაცემთა ბაზები და ამ პროცესში საერთაშორისო ორგანიზაციებთან ერთად, არასამთავრობო ორგანიზაციებიც ჩაერთვებიან.მშენებლობისთვის 2020 წლის ბიუჯეტიდან 16 მლნ ლარამდეა გათვალისწინებული.
ბელა გელაშვილი
ავტორი