ახალციხეში, დიდიმამიშვილის ქუჩაზე ხანძარს ერთი ადამინი ემსხვერპლა. მეხანძრე-მაშველებმა ხუთსართულიანი კორპუსის მეხუთე სართულზე, ერთ-ერთ ბინაში, შუახნის მამაკაცის ცხედარი იპოვეს.
როგორც report.ge-ს საგანგებო სიტუაციების მართვის სამსახურში განუცხადეს, სახანძრო სამაშველო სამსახური ადგილზე გამოძახებიდან 4 წუთში მივიდა, ხანძარი ამ დროისთვის ლიკვიდირებულია.
"სახანძრო-სამაშველო ჯგუფები ადგილზე იყვნენ ოთხ წუთში. ცეცხლი ეკიდა საწოლსა და მის გარშემო იატაკს. ხანძარი ლიკვიდირებულია. მეხანძრე-მაშველებმა სახლში იპოვეს შუა ხნის ასაკის მამაკაცის ცხედარი", - გვითხრეს საგანგებო სიტუაციების მართვის სამსახურის პრესცენტრში.
ხანძრის გამომწვევ მიზეზს გამოძიება დაადგენს.