"გორის კადრები ხომ ყველას, ხომ გვაქვს ნანახი? აქ ხდებოდა ჯოჯოხეთი. მთელი თელ-ავივი გადანათებული იყო რაკეტებით", - "TV პირველის" დამფუძნებელი ვატო წერეთელი, რომელიც თელ-ავივში იმყოფება, ადგილზე არსებული მდგომარეობის შესახებ საუბრობს.
„სირენა ორჯერ ჩაირთო. პირველად რომ ჩაირთო, რამდენი რაკეტა ისროლეს, ვერ დათვლი. დღეს მთელი დღეა სამხრეთს ბომბავდნენ და ახლა ღამე დაიწყეს თელ-ავივის დაბომბვა.
წარმოუდგენელი რამ ხდებოდა, ცა განათდა, რაკეტები ფეთქდებოდა ჰაერში, რთული სიტუაციაა, ომია", – ადგილზე არსებული სიტუაციის შესახებ ვატო წერეთელმა ტელეკომპანია "პირველის" ეთერში ჩართვისას ისაუბრა..
