ახალციხეში, ცხრა აპრილის ქუჩაზე ავტოსაგზაო შემთხვევა მოხდა. ავარიის შედეგად ახალგაზრდა ქალი დაშავდა.
სასწრაფო სამედიცინო დახმარების ჯგუფმა ის ადგილობრივ კლინიკაში შეიყვანა, თუმცა მდგომარეობის გართულების გამო, მოგვიანებით მისი თბილისში გადაყვანა გახდა საჭირო
შსს-ში ამბობენ, რომ მომხდარის გამოძიება სისხლის სამართლის კოდექსის 276-ე მუხლის მე-2 ნაწილით დაიწყო. აღნიშნული გულისხმობს ტრანსპორტის უსაფრთხოების წესების დარღვევას, რამაც ჯანმრთელობის ნაკლებად მძიმე დაზიანება გამოიწვია.