დე ფაქტო რეჟიმმა ახალგორის ე.წ. საზღვარი ჩაკეტა. როგორც report.ge-ს სახელმწიფო უსაფრთხოების სამსახურში განუცხადეს, აღნიშნული უკანონო გადაწყვეტილება, ადგილზე არსებულ უსაფრთხოების გარემოს აზიანებს.
,,საოკუპაციო ძალების მიერ, ოძისი-მოსაბრუნის ე.წ. გამშვებ პუნქტზე, ოკუპირებული ახალგორის მიმართულებით, კვლავ დაწესდა დამატებითი უკანონო შეზღუდვები. აღნიშნული უკანონო გადაწყვეტილებით ირღვევა თავისუფალი გადაადგილების ფუნდამენტური უფლება, რაც კიდევ უფრო ართულებს საოკუპაციო ხაზის ორივე მხარეს მცხოვრები ადგილობრივი მკვიდრი მოსახლეობის ყოველდღიურ ცხოვრებას და აზიანებს ადგილზე არსებულ უსაფრთხოების გარემოს", - განუცხადეს report.ge-ს სახელმწიფო უსაფრთხოების სამსახურში.
