საზღვაო ტრანსპორტის სააგენტო არ ადასტურებს, რომ გვინეის ყურეში მეკობრეების მიერ გატაცებულ გემზე ქართველები იმყოფებოდნენ.
ამის შესახებ report.ge-ს საზღვაო ტრანსპორტის სააგენტოში განუცხადეს.
შეგახსენებთ, რომ შემთხვევა გვინეის ყურეში დღეს მოხდა. ვრცელდებოდა ინფორმაცია, რომ გემის ეკიპაჟის წევრებს შორის ქართველებიც იყვნენ.
დღესვე მეკობრეებმა კიდევ ერთი გემი გაიტაცეს. ბერძნული დროშის ქვეშ მცურავი გემი ტოგოს რესპუბლიკაში დააკავეს. ბერძნული მედიის ინფორმაციით გემის ბორტზე საქართველოს მოქალაქეც არის.
