ყოფილი დეპუტატი და ეროვნულ-დემოკრატიული პარტიის ყოფილი ლიდერი ირინა სარიშვილი სოციალურ ქსელში გულისამაჩუყებელ ფაქტზე წერს, რომელიც მის მცირეწლოვან შვილს უკავშირდება:
"ერთი გადასაფარებელი აქვს სანდროს ამოჩემებული, სხვას არ იფარებს, ბაღშიც ეს გადასაფარებელი დააქვს ხოლმე. ხელს არ აკარებინებს არავის. წამოვწექი ცოტა ხნის წინ დაღლილი მატრასზე ბავშვებთან და რას ვხედავ – დაავლო ხელი ამ გადასაფარებელს სანდრომ, მოვიდა და გადამაფარა.
ვერ ლაპარაკობს ჯერ, მაგრამ ამაზე მეტად რა სიტყვებით უნდა ეთქვა რომ ამ ქვეყანაზე ყველაზე ძალიან ვუყვარვარ.
ეხლაც გაჩერებული მაქვს გული" - წერს სარიშვილი.
