საქართველოში 21:00 საათია და ამ დროიდან, ქვეყნის 4 დიდი ქალაქი, ისევ ჩაიკეტა.
უწყებათაშორისი საბჭოს გადაწყვეტილებით, თბილისში, რუსთავში, ბათუმსა და ქუთაისში შესვლა და გასვლა აიკრძალა.
ცნობისთვის, ორი დღის განმავლობაში ქვეყანაში საგამონაკლისო წესი მოქმედებდა, რომლის მიხედვითაც, მოქალაქეებს 4 დიდ ქალაქში შესვლის უფლება მიეცათ ფაქტობრივ საცხოვრებელ მისამართზე დაბრუნების მიზნით.
საქართველოში საგანგებო მდგომარეობის ფარგლებში დაწესებული ყველა სხვა შეზღუდვა ძალაში რჩება. მათ შორის, ძალაშია ,,კომენდანტის საათის" მოქმედება 21:00 საათიდან 06:00 საათამდე.
შეგახსენებთ, საგანგებო რეჟიმი ქვეყანაში 22 მაისამდე გახანგრძლივდა.
