საზოგადოებრივი ჯანდაცვის ექსპერტი გიორგი ფხაკაძე "ფაიზერის" ვაქცინის მორიგი კვლევის შედეგებს აქვეყნებს. კვლევის თანახმად, დადასტურდა 5-11 წლამდე ასაკის ბავშვებში აღნიშნული ვაქცინის ეფექტურობა.
"ამ ინფორმაცია ელოდებოდა ყველა.
ფაიზერის ვაქცინის ეფექტურობა იქნა დადასტურებული 5-11 წლის ასაკის ბავშვებში.
ფაიზერი/ბიონტეკი ამ კვირაში შეიტანს განაცხადს ავტორიზაციაზე ამ ასაკობრივ ჯგუფებისათვი.
5 წლის ქვემოთ ასაკის კვლევები მიმდინარეობს და 2-3 თვეში იქნება ხელმისაწვდომი. ალბათ დაშვებულიც იქნება საახალწლიდ.
შეგახსენებთ ფაიზერი/ბიონტეკი სრული ავტორიზაცია ააქვს მიღებული ამერიკის წამლის სააგენტოდან 16 წლის ზემოთ ასაკიდან. 12-16 წლის ასაკობრივ ჯგუფში გადაუდებელი მოხმარების ავტორიზაცია" - წერს ფხაკაძე.
ცნობისთვის, Pfizer Inc-მა და BioNTech SE–მა განაცხადეს, რომ მათი ვაქცინა 5-დან 11 წლამდე ბავშვებში ძლიერ იმუნურ დაცვას უზრუნველყოფს.
კომპანია გეგმავს აშშ-ში, ევროპასა და მთელ მსოფლიოში ბავშვთა იმუნიზაციის პროცესის დასაწყებად ნებართვა მოიპოვოს.
კომპანიების განცხადებით, 5-დან 11 წლამდე ბავშვებში ვაქცინის კლინიკურმა გამოცდამ ვირუსზე იმუნიტეტის გამომუშავება აჩვენა მეორე და მესამე ფაზაში, რაც 16-დან 25 წლამდე ასაკის მოზარდებში მიღებულ შედეგებს ემთხვევა.
Pfizer ვაქცინის გამოცდას 2-დან 5 წლამდე და 6 თვიდან 2 წლამდე ასაკის ბავშვებშიც ატარებს.