დაავადებათა კონტროლის ეროვნული ცენტრის ხელმძღვანელი მოქალაქეებს მოუწოდებს მაქსიმალურად შეიკავონ თავი მასობრივი თავშეყრის ადგილებზე მოხვედრისგან. ამირან გამყრელიძის თქმით მნიშვნელოვანია ასევე დისტანციური მუშაობის რეჟიმზე გადავიდნენ ის სამსახურები, ვისაც ამის შესაძლებლობა აქვს.
"არ გვინდა დიდი ქორწილები, თავი შევიკავოთ, იმიტომ რომ ყველა თავყრილობაზე არის რისკი ინფექციის გადაცემის,"-განაცხადა ამირან გამყრელიძემ.
შეგახსენებთ, რომ დღეს კორონავირუსის კიდევ ერთი შემთხვევა დადასტურდა. ამ დროისთვის ქვეყანაში 25 პაციენტია დაავადებული.
