"აჭარაში გვაქვს შემთხვევები, სადაც ინფიცირებულის პირველწყაროზე ვერ გავდივართ", - ამის შესახებ დაავადებათა კონტროლის ცენტრის ხელმძ$ღვანელმა, ამირან გამყრელიძემ ჟურნალისტებთან საუბრისას განაცხადა.
მისი თქმით, დღევანდელი მონაცემებით COVID19-ის გავრცელების 60% აჭარაზე მოდის, სადაც კოვიდინფიცირებულთა მნიშვნელოვანი ზრდა დაიწყო 9-10 სექტემბერს.
„იმ დღეებში გვქონდა 150-160% -იანი ზრდა ყოველდღე. დღეს ეს ტენდენცია ოდნავ შემცირებულია არის 110-111 %. ეს მიმანიშნებელია რომ ზრდის ტემპი შემცირდა, თუმცა ეს დამშვიდების საფუძველი არაა“, - აღნიშნა გამყრელიძემ.
დღეს საქართველოში კორონავირუსის 296 ახალი შემთხვევა დადასტურდა.
