დაავადებათა კონტროლის ეროვნული ცენტრის დირექტორის, ამირან გამყრელიძის განცხადებით, კორონავირუსის საწინააღმდეგო ვაქცინით ქვეყანაში სტუდენტების მხოლოდ 28 პროცენტია აცრილი.
„მინდა, მივმართო ჩვენს სტუდენტობას, განსაკუთრებით, იმ სტუდენტებს, რომლებიც სამედიცინო ფაკულტეტებზე სწავლობენ – არ შეიძლება, მომავალი ექიმი, სამედიცინო ფაკულტეტის სტუდენტი აცრილი არ იყოს. თუ სამედიცინო ფაკულტეტის სტუდენტი აცრილი არ არის, ის კლინიკაში პაციენტთან ვერ უნდა შედიოდეს. იმიტომ, რომ ის პაციენტისთვის უსაფრთხო უნდა იყოს“, – განაცხადა გამყრელიძემ.