ამსტერდამის საფეხბურთო კლუბ "აიაქსის" ფორვარდს ქუინსი პრომესს ბრალად დანით მძიმე ჭრილობების მიყენება ედება. ნიდერლანდური გამოცემა "ტელეგრაფის" ინფორმაციით, ივლისის ბოლოს, ფეხბურთელი გახდა ოჯახური ვახშმის დროს მომხდარი ინცინდენტის მონაწილე, რა დროსაც საკუთარი ოჯახის ერთ-ერთ წევრს დანა დაარტყა.
ჩადენილი დანაშაულის შესახებ სპორტსმენმა ერთი თვის წინ განაცხადა. მას ოთხ წლამდე პატიმრობა ემუქრება.
პრომესმა „აიაქსის“ შემადგენლობით ამ სეზონზე 17 მატჩი ჩაატარა და ხუთი გოლი გაიტანა.
