თერჯოლის მუნიციპალიტეტის სოფელი ღვანკითი დილის 06:00 საათიდან ჩაიკეტა.
მოწყობილია 5 ბლოკ-საგუშაგო, საიდანაც სოფლის ტერიტორია კონტროლდება და მოსახლეობა ღვანკითს ვერ დატოვებს.
ადგილზე იმყოფება იმერეთში სახელმწიფო რწმუნებული ზვიად შალამბერიძე, რომელიც არსებულ ვითარებას და ბლოკ-საგუშაგოების მოწყობილის პროცესს ძალოვანი უწყების წარმომადგენლებთან ერთად დილიდან პირადად ეცნობა.
აღნიშნული ზომები სოფელში კორონავირუსით ინფიცირებულთა რაოდენობის ზრდის გამო მიიღეს.
გუშინ, ღვანკითში ინფიცირების ოთხი შემთხვევა დაფიქსირდა. თერჯოლაში სულ 7 შემთხვევაა დადასტურებული.
სოფელში დაავადებათა კონტოლის ეროვნული ცენტრის ეპიდემიოლოგები მასობრივ თერმოსკრინინგს დაიწყებენ.
სოფელ ღვანკითში 705 ოჯახი - 2438 ადამიანი ცხოვრობს.