ინფექციური საავადმყოფოს ბოქსირებული განყოფილების ხელმძღვანელის, მარინა ენდელაძის პროგნოზით, შესაძლოა, კორონავირუსის მესამე ტალღა აპრილში იყოს.
ენდელაძე მოსახლეობას კვლავ რეკომენდაციების დაცვისკენ მოუწოდებს.
,,აპრილში შეიძლება იყოს მესამე ტალღა, მაგრამ ისეთი სიძლიერით არ იქნება. წარმოუდგენელია, რომ მოსახლეობამ არ გაითავისოს, რომ არ იყოს მასიური ქორწილები, ქელეხები, თორემ ეს თუ გაგრძელდა ისე, როგორც გასული წლის აგვისტოში გავთამამდით, კი ვნახეთ რაც მოხდა, ასე ალბათ არ იქნება და ამის პარალელურად იქნება ვაქცინაცია,"- განაცხადა მარინა ენდელაძემ.
