ახალციხეში, სოფელ ჭაჭარაქთან ერთმანეთს სამი მსუბუქი ავტომობილი შეეჯახა, რა დროსაც ორი ადამიანი დაშავდა.
ორივე მათგანი ახალციხის რეფერალურ საავადმყოფოში გადაიყვანეს. ექიმების ინფორმაციით, დაშავებულების მდგომარეობა სტაბილურია და მათ სიცოცხლეს საფრთხე არ ემუქრება.
შსს-ს ინფორმაციით, სისხლის სამართლის საქმე აღძრულია 276-ე მუხლის მეორე ნაწილით, რაც ტრანსპორტის მოძრაობის უსაფრთხოების ან ექსპლუატაციის წესების დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.
ისჯება ჯარიმით ან შინა პატიმრობით ვადით 6 თვიდან 2 წლამდე, ანდა თავისუფლების აღკვეთით სამ წლამდე.
შორენა სურმანიძე
ავტორი