თბილისში, აეროპორტის გზაზე, ავტოსაგზაო შემთხვევა მოხდა.
როგორც report.ge-ს კორესპონდენტი ადგილიდან იუწყება, ერთმანეთს ორი ავტომობილი შეეჯახა.
ავარიის შედეგად ორი პირი მსუბუქად დაშავდა.
ადგილზე მობილიზებულნი არიან მეხანძრე-მაშველები და სამართალდამცველები.
როგორც report.ge-ს შინაგან საქმეთა სამინისტროში განუცხადეს, ფაქტზე გამოძიება საქართველოს სისხლის სამართლის კოდექსის 276-ე მუხლის მეორე ნაწილით დაიწყო, რაც სატრანსპორტო საშუალების მოძრაობისა და ექსპლუატაციის წესების დარღვევას გულისხმობს, რამაც ადამიანის ჯანმრთელობის დაზიანება გამოიწვია.