12 წლის მოზარდი გარდაიცვალა გორის მუნიციპალიტეტში მომხდარი ავტოსაგზაო შემთხვევის შედეგად. გორი-ტყვიავის საავტომობილო გზაზე მოძრავი ოპელის მარკის ავტომობილი ხეს შეეჯახა, მანქანას ბავშვის მამა მართავდა.
გავრცელებული ინფორმაციით, მძღოლი არაფხიზელ მდგომარეობაში იმყოფებოდა. მას მართვისას 12 წლის შვილი კალთაში ეჯდა.
ადგილზე გამოძახებული იყო სასწრაფო დახმარების ჯგუფი, რომელმაც მოზარდი კლინიკაში გადაიყვანა. ექიმების თქმით, ის სამედიცინო დაწესებულებაში მიყვანისას უკვე გარდაცვლილი იყო.
მომხდარზე გამოძიება სსკ-ის 276-ე მუხლის მეექვსე ნაწილით მიმდინარეობს.
