ოზურგეთის მუნიციპალიტეტის სოფელ მერიაში, ცენტრალურ გზაზე ამავე სოფლის მკვიდრი ავტოსაგზაო შემთხვევამ იმსხვერპლა. ინფორმაციას ადგილობრივი გამოცემა ავრცელებს.
"გურია ნიუსის" ცნობით, ქალი გზაზე ჩანთით ხელში მიდოდა, რა დროსაც ავტომობილი უკნიდან დაეჯახა. შემთხვევის შედეგად ის ადგილზე დაიღუპა.
4 შვილის დედა, მეხუთე ბავშვზე იყო ფეხმძიმედ. მისი 4-ვე შვილი მცირეწლოვანია.
გავრცელებული ინფორმაციით, მძღოლი თავდაპირველად მიიმალა, თუმცა მოგვიანებით თავად ჩაბარდა პოლიციას.
ფაქტზე დაწყებულია გამოძიება.