ბათუმში, ესტაკადასთან მომხდარი ავტოსაგზაო შემთხვევის შედეგად 3 პირი დაშავდა. მათგან ერთის მდგომარეობა მძიმეა, როგორც საავადმყოფოში აცხადებენ, დაშავებულს დაზიანებები გულ-მკერდის არეში აქვს მიღებული.
გავრცელებული ინფორმაციით, მაღალი სიჩქარით მოძრავი ავტომობილი ბოძს შეეჯახა, რის გამოც ბათუმის შესასვლელში ავტოტრანსპორტის მოძრაობა შეზღუდული იყო.
როგორც Report.ge-ს შსს-ში განუცხადეს, საქმეზე გამოძიება სისხლის სამართლის კოდექსის 276-ე მუხლის მეორე ნაწილით დაიწყო, რაც სატრანსპორტო საშუალების ექსპლუატაციის ან მოძრაობის წესების დარღვევას გულისხმობს, რამაც ადამიანის ჯანმრთელობის დაზიანება გამოიწვია.