თბილისში, კრწანისის ქუჩაზე ავტოსაგზაო შემთხვევა მოხდა.
გავრცელებული ინფორმაციით, სატვირთო ავტომობილის მძღოლმა კლინიკა "ნიუ ჰოსპიტალსთან" მოსახვევში საჭე ვერ დაიმორჩილა, გზის საპირისპირო მხარეს გადავიდა. ავტოსაგზაო შემთხვევის შედეგად რამდენიმე მსუბუქი ავტომობილი დაზიანდა. სატვირთო ავტომობილი კი ამობრუნდა და კლინიკის ეზოში ჩავარდა.
შემთხვევის შედეგად ერთი ადამიანი დაიღუპა. დაშავებულია 8 მოქალაქე.
ფოტო: 1-ლი არხი
