თელავის მუნიციპალიტეტის, სოფელ ვარდისუბანთან ავტოსაგზაო შემთხვევის შედეგად ორი პირი დაშავდა.
გავრცელებული ინფორმაციით, ერთმანეთს ორი მსუბუქი ავტომობილი შეეჯახა, რის შედეგადაც, სატრანსპორტო საშუალებების მძღოლებმა სხეულის მრავლობითი დაზიანებები მიიღეს.
როგორც Report.ge-ს შსს-ში განუცხადეს, მომხდარზე გამოძიება სისხლის სამართლის კოდექსის 276 მუხლის მე-2 ნაწილით დაიწყო, რაც სატრანსპორტო საშუალების მოძრაობის უსაფრთხოების, ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.
