ასპინძაში ავტოსაგზაო შემთხვევა მსხვერპლით დასრულდა. სოფელ ტოლოშის მიმდებარედ მსუბუქი ავტომობილი შუახნის ქალს შეეჯახა. შემთხვევის შედეგად დაშავებული ქალი ადგილზე გარდაიცვალა.
გავრცელებული ინფორმაციით ავტომობილს ახალგაზრდა კაცი მართავდა.
როგორც შინაგან საქმეთა სამინისტროში report.ge-ს განუცხადეს მომხდარზე გამოძიება სისხლის სამართლის კოდექსის 276-ე მუხლის მე-6 ნაწილით დაიწყო, რაც სატრანსპორტო საშუალების მოძრაობის ან უსაფრთხოების წესების დარღვევას გულისხმობს, რამაც ადამიანის სიცოცხლის მოსპობა გამოიწვია.