დღეს, 4 სექტემბერს აზერბაიჯანის 123 მოქალაქე საქართველოდან სამშობლოში დააბრუნეს.
აზერბაიჯანში სულ 281 ადამიანი ჩავიდა. მათ შორის, საქართველოს - 151, რუსეთის- ხუთი, თურქეთის -ერთი და უკრაინის ერთი მოქალაქე.
მათ COVID-19- ზე ტესტი 3 სექტემბერს საქართველოში გაუკეთეს და ყველა პასუხი უარყოფითი აღმოჩნდა. ამის შემდეგ, ისინი აზერბაიჯანის საელჩოს ავტობუსებით სასაზღვრო გამშვებ პუნქტზე გადაიყვანეს.
საქართველოში აზერბაიჯანის საელჩოს ცნობით, საქართველოსთან საზღვრის ჩაკეტვის შემდეგ სამშობლოში სულ აზერბაიჯანის 2 000 მოქალაქე დააბრუნეს.
