ბათუმი-თბილისის მატარებელი მგზავრების მოთხოვნით რეისზე არ გავიდა. მიზეზი მატარებელში მყოფი ჩინეთის ორი მოქალაქეა, რომლებსაც მგზავრების მტკიცებით ვირუსისთვის დამახასიათებელი სიმპტომები აღენიშნებათ. მგზავრებმა მათი ევაკუაცია მოითხოვეს, წინააღმდეგ შემთხვევაში აღნიშნული რეისით მგზავრობაზე უარს აცხადებენ. ადგილზე სასწრაფო დახმარება გამოიძახეს. მგზავრები მედიკოსებს ელოდებიან და მატარებელში ასვლაზე უარს ამბობენ.
