ბათუმში, ძლიერი წვიმის შედეგად დატბორილი საცხოვრებელი სახლების სარდაფებიდან წყლის ამოტუმბვითი სამუშაოები მიმდინარეობს.
ასევე დატბორილია სავაჭრო ობიექტები, მაღაზიების მეპატრონეები აცხადებენ, რომ წვიმის შედეგად გასაყიდი საქონელი დაუსველდათ, ისინი საკუთარი ძალებით ცდილობენ მაღაზიებიდან წყლის ამოტუმბვას.
გუშინ მოსული უხვი ნალექის გამო განსაკუთრებით დაიტბორა გორგასლის ქუჩა.
როგორც შპს "ბათუმის წყალში" აცხადებენ, რომ დატბორილ ქუჩებზე ცხაურების გაწმენდით სამუშაოებს მათი თანამშრომლები ახორციელებენ.
