ბათუმში დაკვირვების ქვეშ მყოფ ჩინელ ტურისტებს კორონავირუსი არ დაუდასტურდათ. როგორც აჭარის ჯანდაცვის მინისტრის მოადგილემ, ნინო ნიჟარაძემ განაცხადა, ლაბორატორიული კვლევის შედეგები უკვე ცნობილია, რომლის მიხედვითაც კორონავირუსი არ დადასტურდა.
ჩინელ ტურისტებმა აჭარის რეგიონი უკვე დატოვეს.
ტურისტები ჩინეთიდან ბათუმში გუშინ ჩავიდნენ. მათ ტემპერატურა ჰქონდათ, რის გამოც მათთან შეთანხმებით განხორციელდა შეტყობინება საგანგებო სიტუაციათა სამსახურში და მათზე დაკვირვება დაიწყო.
