ბათუმში, ინასარიძის ქუჩაზე გაზის მილი გასკდა, რის შედეგადაც ინასარიძისა და მიმდებარე ქუჩების მცხოვრებლებს ბუნებრივი აირი შეუწყდათ. როგორც ადგილობრივები აცხადებენ, შემთხვევა მშენებარე კორპუსთან ახლოს მოხდა.
დაშავებულების შესახებ ინფორმაცია არ ვრცელდება.
უსაფრთხოების მიზნით, ადგილზე საგანგებო სიტუაციების მართვის სამსახურის ჯგუფი მუშაობდა.
ამ დროისათვის გაზსადენი გადაკეტილია.
