პოლონურ-ქართული კულტურის ფესტივალის ფარგლებში, ბათუმმა ქუჩის ხელოვნების დღეს უმასპინძლა. მასში მონაწილეობას პოლონელი და ქართველი მხატვრები იღებდნენ.
არტისტებმა ერთად მოხატეს თევზის ბაზრის მოპირდაპირედ მდებარე კედლები და ქალაქში სპეციალურად გამოყოფილი სხვა ადგილები.
პროექტი აჭარის ავტონომიური რესპუბლიკის განათლების, კულტურისა და სპორტის სამინისტროსა და ვროცლავის კულტურისა და ხელოვნების ცენტრის ერთობლივი ინიციატივითა და მხარდაჭერით ხორციელდება.
