ბათუმში, ინასარიძის ქუჩაზე მდებარე მრავალსართულიან კორპუსში ხანძარი გაჩნდა. შემთხვევის შედეგად არავინ დაშავებულა.
როგორც Report.ge-ს საგანგებო სიტუაციების სამსახურში განუცხადეს, ცეცხლი ლოკალიზებულია, ადგილზე 8 სახანძრო-სამაშველო ეკიპაჟი მუშაობს.
"ბათუმში, ინასარიძის ქუჩაზე მრავალსართულიან კორპუსში, კერძო საცხოვრებელ ბინაში ხანძარი გაჩნდა. მოხდა მოსახლეობის ევაკუაცია. ამ დროისათვის, ცეცხლი ლოკალიზებულია, არავინ დაშავებულა. ადგილზე 8 სახანძრო-სამაშველო ეკიპაჟი მუშაობს", - განუცხადეს Report.ge-ს საგანგებო სიტუაციების სამსახურში.