ბათუმში, საოლქო კომისიასთან გამართული საპროტესტო აქცია პოლიციამ დაშალა. ამის მიზეზად სამართალდამცველების მიმართ გაწეული წინააღმდეგობა და მოთხოვნის უგულებელყოფა სახელდება.
დემონსტრაციის დაშლის დროს 5 პირი ადმინისტრაციული წესით დააკაეს. მათ შორისაა მოძრაობა "ალეტრნატივას" ხელმძღვანელი ხათუნა ბერიძე.
ბათუმის საოლქო საარჩევნო კომისიის შენობასთან მოძრაობა "ალტერნატივას" წევრები, არჩევნების შედეგების გადახედვას, ცესკო-ს თავმჯდომარეს გადადგომასა და დაუბალანსებელი ბიულეტენების ჩასწორებას მოითხოვდნენ.
ფოტო: "ბათუმელები"