ბათუმში გაუჩინარებული მამაკაცი გარდაცვლილი იპოვეს. საგანგებო სიტუაციების მართვის სამსახურის ინფორმაციით, შუახნის კაცის ცხედარი მაშველებმა დღეს დილით, ზღვაში იპოვეს.
შუახნის მამაკაცის სამძებრო-სამაშველო სამუშაოებში სამი მყვინთავი იყო ჩართული. მიმდინარეობდა წყლის ზედაპირის მონიტორინგი.
მამაკაცის გაუჩინარების შესახებ გუშინ გახდა ცნობილი. ახლობლების ინფორმაციით ის ზღვაზე მარტო იმყოფებოდა.
როგორც report.ge-ს შინაგან საქმეთა სამინისტროში განუცხადეს, მომხდართან დაკავშირებით გამოძიება სისხლის სამართლის კოდექის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.