ბათუმში, რურუას ქუჩაზე, 5-სართულიანი კორპუსის პირველ სართულზე კედელი გაიბზარა.
ამ წუთებში, მოსახლეობა გარეთ არის გამოსული.
ოჯახები შენობაში ღამის გათენებაზე უარს ამბობენ. მათი თქმით, კორპუსში დარჩენა საშიშია.
მოსახლეობა დახმარებას ითხოვს.
"ჩამოცვივდა ბეტონები, ბზარებია. ვითხოვთ შემოწმებას. გვეშინია აქ ცხოვრება. ჩემს საძინებელში დამსკდარია კედლები. ველოდებით შესაბამისი სამსახურის წარმომადგენლებს. ჩვენი მოთხოვნაა მოგვხედონ, ჩვენ აქ ვერ ვიცხოვრებთ", - აცხადებს ერთ-ერთი მცხოვრები აჭარის ტელევიზიასთან.
აღნიშნული კორპუსი 5 სართულიანია და მასში 72 ოჯახი ცხოვრობს.
შეთხვევის ადგილას მობილიზებული არიან სამართალდამცველები და სამაშველო სამსახურის წარმომადგენლები.
