თავში

"ბავშვები ამ აპარატებს მიიღებენ"- გაბუნია

"ბავშვები ამ აპარატებს მიიღებენ"- გაბუნია
ბავშვები ამ აპარატებს მიიღებენ- გაბუნია

საქართველოს ჯანდაცვის მინისტრის მოადგილის თამარ გაბუნიას ინფორმაციით, მიმდინარეობს მუშაობა ახალი სენსორის ტიპის აპარატების შესყიდვაზე, რომელიც სისხლში შაქრის დონეს ზომავს.

მისივე თქმით, დიაბეტიანი ბავშვები აპარატებს, სავარაუდოდ, მოკლე ხანში მიიღებენ.

"ჯანდაცვის სამინისტრო დიაბეტის პროგრამას დიდი ხანია, ახორციელებს. მიმდინარეობს მუშაობა ახალი სენსორის ტიპის აპარატის შესყიდვაზე, რომელიც მიმდინარე რეჟიმში იძლევა გლუკოზის დონის კონტროლის შესაძლებლობას. 1 300-მდე აპარატის შესაძენად, წინასწარი გათვლებით, ბიუჯეტი დაახლოებით შვიდ მილიონ ლარს შეადგენს. ამას დამატებით სჭირდება სახარჯო მასალა, მხოლოდ აპარატის ღირებულება არ არის პროგრამული ხარჯი, და ვმუშაობთ ფინანსთა სამინისტროსთან. 2022 წლიდან გვქონდა დაგეგმილი აპარატების მიწოდება ბავშვებისთვის. ვფიქრობთ, მოკლე ხანში შესაძლებელი იქნება პროცედურის დასრულება და ბავშვები ამ აპარატებს მიიღებენ", – განაცხადა თამარ გაბუნიამ.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system