კახეთში ავტოსაგზაო შემთხვევას მცირეწლოვანი ემსხვერპლა.
სიღნაღის მუნიციპალიტეტის სოფელ ტიბაანთან მსუბუქი ავტომობილი განათების ბოძს დაეჯახა, რის შედეგადაც სამი წლის ბავშვი ადგილზე დაიღუპა.
მომხდარის სხვა დეტალები ამ დროისთვის უცნობია.
როგორც report.ge-ს შინაგან საქმეთა სამინისტროში განუცხადეს, მომხდარზე გამოძიება 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.