თბილისში, დიდ დიღომში, ძლიერი წვიმის შედეგად ისევ დაიტბორა შენობა, სადაც ბერი ანდრიას ფონდია განთავსებული.
ვიდეოს სოციალურ ქსელში, ბერი ანდრიას დედა, თინათინი ავრცელებს.
შეგახსენებთ, ბერი ანდრიას ფონდის შენობა, რომელშიც სიმსივნით დაავადებული ბავშვები იმყოფებიან, პირველ მაისსაც დაიტბორა.
ძლიერმა წვიმამ დედაქალაქში პრობლემები შექმნა. განსაკუთრებით რთული მდგომარეობაა დიდ დიღომში, სადაც ქუჩები დაიტბორა.
უხვი ნალექის შედეგად დაიტბორა ავტობუსიც.
