ალერგოლოგ-იმუნოლოგის, ბიძინა კულუმბეგოვის განცხადებით, თუკი მოსახლეობა აუცილებელ რეკომენდაციებს დაიცავს, შემზღუდველი ღონისძიებების შემსუბუქება ინფექციის გავრცელების თვალსაზრისით, ქვეყანას ძლიერ დარტყმას არ მიაყენებს.
„ხელის ხშირი ჰიგიენა, პირბადის ტარება, სოციალური აქტივობების გაკონტროლება იქნება იმის გარანტია, რომ ჩვენ არანაირი გახსნითი ღონისძიებები ძლიერ დარტყმას არ მოგვაყენებს ეპიდემიის გავრცელების თვალსაზრისით. სხვა ყველა შემთხვევაში, აუცილებლად გაიზრდება მობილობა ადამიანების, რეპროდუქციული ინდექსი ისევ ავარდება ერთ ნახევარზე და ვირუსის გავრცელება სამწუხაროდ, მიაღწევს იმ მაჩვენებელს, რომელიც ჩვენ გვქონდა შემოდგომაზე“, – განაცხადა ბიძინა კულუმბეგოვმა ,,პირველ არხთან".
