ბოლნისის მუნიციპალიტეტის სოფელი გეტა, სადაც გუშინ კორონავირუსის რვა ახალი შემთხვევა გამოვლინდა, ჩაიკეტა. დილის 06:00 საათიდან სოფელში მკაცრი საკარანტინო რეჟიმი ამოქმედდა.
სოფელ გეტაში ამ დროისთვის სულ 13 დადასტურებული შემთხვევაა დაფიქსირებული.
შეგახსენებთ, რომ გუშინ დადასტურებული კოვიდინფექციის 15 ახალი შემთხვევიდან 7 არის სოფელ მუშევანთან დაკავშირებული პირი, ხოლო 8 სოფელ გეტას კლასტერიდანაა.
ცნობისთვის, ამ დროისთვის, საქართველოში კორონავირუსის 667 შემთხვევაა დადასტურებული, აქედან 383 გამოჯანმრთელდა, 12 გარდაიცვალა. კარანტინის რეჟიმში იმყოფება 3873 ადამიანი, სტაციონარში მეთვალყურეობის ქვეშ - 404, უცხოეთიდან სამკურნალოდ საქართველოს 3 მოქალაქეა გადმოყვანილი.
