თავში

,,ჩემი ძმაც მომისვეს გვერდით, 37,5 სიცხით და ოდნავი ხველით" - ზურა ბალანჩივაძე

,,ჩემი ძმაც მომისვეს გვერდით, 37,5 სიცხით და ოდნავი ხველით" - ზურა ბალანჩივაძე
,,ჩემი ძმაც მომისვეს გვერდით, 37,5 სიცხით და ოდნავი ხველით - ზურა ბალანჩივაძე

ტელეკომპანია "იმედის" წამყვანი ზურა ბალანჩივაძე, რომელიც კორონავირუსის დიაგნოზით საავადმყოფოშია მოთავსებული, სოციალურ ქსელში პოსტს აქვეყნებს.

,,ესეც ასე, ჩემი ძმაც მომისვეს გვერდით, 37,5 სიცხით და ოდნავი ხველით, საღამოს. ფილტვებში ანთება არ აღენიშნება, თუმცა სისხლის საერთო ანალიზში ოდნავი ცვლილებები აქვს და ალბათ მალე დაუწყებენ ანტიბიოტიკის გადასხმას.

ორივეს დე-დიმერი გვაქვს მომატებული (სისხლის შედედების მაჩვენებელი) და მუცელში დაგვარჭვეს პატარა ნემსი და ის-ის იყო, უნდა მეყვირა, ექთანმა, მორჩაო. მოკლედ, უადვილესი ნემსია. 

მე სიცხე ისევ 37 - 37,2 მაქვს, არადა, დილით არ მქონდა. ცოტა ავნერვიულდი, რაღა დაგიმალოთ. მაგრამ ნუ ჰო, მე-7 დღეა და საყურადღებო სტადიაში ვარ. კიდევ ხვალ და ზეგ და მერე გავლილი მექნება. თუმცა, როცა ამ ყველაფერს უბრალო სიმპტომებად ვუყურებ, ვაცნობიერებ, რომ რეალურად არც-თუ ისე ცუდად ვარ და მაინც წარმავალია ეს კორონა. ასეთნაირი მიდგომა მშველის ნამდვილად.

ჰო, ზურგზე წოლას მოერიდეთო. მუცელზე ან გვერდულად იძინეთ და პოზებიც შეძლებისდაგვარად მალ-მალე იცვალეთო. თურმე არ ყოფილა ასეთ დროს კარგი ფილტვებზე მთელი სხეულით დაწოლა. დიდად არ მიყვარს მუცელზე წოლა, მაგრამ ახლა ეგ რა მოსატანია.

საერთო ჯამში, ირაკლიც და მეც შევთანხმდით, რომ თუკი ასე გამოვძვრებით, ჩავთვლით, რომ იღბლიანები ვართ. ისე კი ყველაფერს თავისი პლუსი აქვს: ხელების სანიტაიზერით ხეხვა აღარ გვიწევს. 

აუ, ჰო, ძალიან საყვარელი სანიტრები არიან. ექთნებიც ძალიან ყურადღებიანები - ოღონდ რამე გვთხოვეო. ექიმები ყოველთვის ცდილობენ, გაიგონ რაიმე ახალი ხომ არ გვაწუხებს და თუ რამე, დაუყოვნებლივ დაკავშირებას გვთხოვენ. მოკლედ, კარგად გვივლიან და ალბათ, ახლა ყველაზე სწორ და უსაფრთხო ადგილას ვართ.

ჯანმრთელობა ყველას", - წერს ბალანჩივაძე სოციალურ ქსელში.

ტელეკომპანია "იმედის" წამყვანს კორონავირუსი 3 ოქტომბერს დაუდასტურდა.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system